Ja, die Liebe

Wannsd vabrunzt bist dass fäud
bis aufd hintaste Schdiagn
Wannsd as afoch nimma
ausn Schedl außekriagst
Wann da wee wiad wanns amoi
aan Dog ned schreibt

Wanns da so richdig
ins Herz gschissn ham
Dassd bein Wiatn is hoiwade
Bier stee losd
Wannsd fiad Sundogskrone
an gaunzn Zehna eiwiafst

Wannsd da extra a Krawattl bindst
Und ia Bluman kaufst
Und an Ring

Wannsd ins Museum gehst
stod in Broda
Und ins Teatta
nua wegn ia

Dann is kloa, hosd is Hirn
nimma am rechtn Fleck

(von Gustave Sommerbaur)

«